«FEEL GIRLS» ұйымы – университет пен факультет деңгейінде заманауи биді дамытуға бағытталған шығармашылық ұжым. Ұйым студенттердің өнерге деген қызығушылығын арттырып, олардың шығармашылық қабілеттерін ашуға мүмкіндік береді.
Ұйымның негізгі мақсаты – факультет және университет көлемінде заманауи биді дамыту, студенттер арасында би мәдениетін насихаттау және шығармашылық орта қалыптастыру.
«FEEL GIRLS» ұйымының негізгі міндеттері:
- студенттерді би өнеріне тарту;
- заманауи би бағыттарын дамыту және насихаттау;
- түрлі мәдени іс-шараларға белсенді қатысу;
- университеттің шығармашылық өміріне үлес қосу;
- студенттердің сахналық тәжірибесін арттыру.
«FEEL GIRLS» ұйымы оқу жылы барысында бірқатар маңызды іс-шараларға қатысып, өз өнерлерін жоғары деңгейде көрсетті. Атап айтқанда:
- «Студенттік көктем» фестиваліне белсенді қатысып, көрермендерге жарқын қойылымдар ұсынды;
- университетішілік және факультетішілік түрлі мәдени шараларда өнер көрсетті;
- «FF премиясы» сияқты мерекелік және марапаттау кештерінде би қойылымдарын сахналады;
- басқа да әртүрлі мәдени және шығармашылық іс-шараларда белсенділік танытты.
«FEEL GIRLS» ұйымы алдағы уақытта да заманауи би өнерін дамытып, студенттердің шығармашылық әлеуетін арттыруға өз үлесін қоса береді.
